Kuala Lumpur (INA) – Maxkamad ku taalla dalka Malaysia ayaa shalay xukun hal bil ah ku ridday lix qof oo lagu eedeeyay inay ka qayb-galeen tartan-jeex-jeex ah oo ka dhacay gobolka Penang ee ku yaalla waqooyiga dalkaas. Ku xigeenka xeer ilaaliyaha guud ee dalka Edward Chan ayaa ku sheegay hadal uu siiyay warbaahinta gudaha in maxkamadu ay sidoo kale ku amartay lixda qof ee dambiga ka qirtay meel fagaare ah in ay bixiyaan ganaax dhan 1580 ringgit ($290) qofkiiba. Halka afar kale oo isla dambiga lagu soo eedeeyay aysan ka hor qiran dambiga lagu soo oogay garsoorayaasha maxkamadda magaalada Balik Pulau ee gobolka Penang, oo ku yaalla meel XNUMX KM dhanka waqooyi kaga beegan magaalada Kuala Lumpur, maxkamadeyntooda ayaa billaaban doonta bisha soo socota ee October. Si la mid ah arrintan, booliska ayaa weli baadigoobaya toddobo qof oo kale, kuwaas oo looga shakisan yahay inay dharka iska furteen isla tartankaas, iyagoo ku sugan meel cidlo ah oo xeebta Balik Pulau ah. Waxaa xusid mudan in qaawannimada guud ee dalka Malaysiya oo ah dal ay muslimiintu ku badan yihiin loo arko dambi, waxaana tuhmanaha lagu soo oogay dacwad ah inuu sameeyay dhaqdhaqaaqyo la doonayo in lagu aflagaadeeyo asluubta shaqsiga, dambigaas oo lagu mutaysan karo ugu badnaan shan sano oo xarig ah ama ganaax ama labadaba. (Dhamayd) Khaled Al-Shutibi
hal daqiiqo
