Islamabad (INA)- Kooxo cadhaysan ayaa Axadii shalay ku dilay 3 qof oo kala ahaa haweenay iyo laba caruur ah oo kasoo jeeda qoomiyada laga tirada badan yahay ee Axmadiya, magaalo qiyaastii 100 km u jirta magaalada Lahore ee xarunta gobolka Punjab. Waxayna taasi liddi ku ahayd sawir la soo dhigay Facebook-ga oo loo arkayay meel ka dhac ku ah Islaamka. Sida uu sheegay sarkaal booliis ah, wiil dhalinyaro ah oo ka tirsan beesha Axmadiya ayaa Facebook-ga soo galiyay sawir uu ku aflagaadeynayo diinta Islaamka, taas oo ka careysiisay saaxiibkiis oo Muslim ah. Dagaal ayaa dhex maray labadan dhalinyarada ah iyadoo ay goob joog ka ahaayeen dadweyne careysan oo aan ka waaban in ay gubaan guryaha ay degan yihiin dadka laga tirada badan yahay ee Axmadiya. Daruuraha qiiqa ah ayaa ku neef qabatey haweeney iyo laba caruur ah, oo midda koowaad ay jirto toddobo sano, halka kan labaadna uu si dirqi ah ku jiray in ka badan hal sano. Bilayska ayaa furay baaritaan lagu tuhunsan yahay inuu aflagaadeeyay, iskana indhatiray saddexda dembi. Waxaa lagu soo warramayaa in sharciga aflagaadada Pakistan oo dadka liberaaliga ah ay aad u dhaleeceeyaan uu dil ku ciqaabayo qofkii u gefo Nebi Muxamed NNKH iyo xabsi daa’im qofkii gubo kitaabka Quraanka Kariimka ah. (waan dhameeyay)
hal daqiiqo
