
Riyaad (UNA/SPA) – Boqortooyada Sacuudi Carabiya ayaa si adag u cambaareysay maamulka gumeysiga Israa’iil ee ku adkeystay dambiyada ka dhanka ah shacabka walaalaha ah ee reer Falastiin iyo dhulkooda la heysto, iyo isku dayga joogtada ah ee ay ku doonayaan in ay ku barakiciyaan, loogana hortago in ay dhistaan dal madax bannaan. Tan waxaa ka mid ah in ay bilaabeen balaadhinta dhismaha deegaamaynta ee ku xeeran Quddus la haysto, iyo balaadhinta hawlgalladooda iyo gardarada, kuwaas oo u dhiganta dambiyo xasuuq ah oo ka dhan ah dadka rayidka ah ee aan difaac lahayn ee Marinka Gaza.
Boqortooyadu waxay xaqiijisay in tillaabooyinkani ay ka dhigan yihiin xadgudubyo halis ah oo ka dhan ah sharciga caalamiga ah iyo qaraarada Golaha Ammaanka ee khuseeya, iyo in sii wadida fulinta qorshayaasha khatarta ah ee Israel iyo dembiyada joogtada ah ee maamulka iyo ciidamada gumeysiga ee Israel ay saameyn weyn ku leeyihiin amniga iyo xasilloonida gobolka waxayna khatar gelinayaan sharcinimada nidaamka caalamiga ah.
(waa dhamaatay)



