Enqere (INA) – Dîrektorê Giştî yê Ajansa Navneteweyî ya Vejenê Adnan Emîn, pêngavên dewleta Tirk ên di warê enerjiya nûjen de bi îlhamê nirxand û da zanîn ku paşeroja vê sektorê li welêt pir geş xuya dike. Li gorî nûçeya Ajansa Anadoluyê, Emîn destnîşan kir ku veberhênanên enerjiya nûjen ên li cîhanê dê bandoreke neyînî li nirxê petrolê neke, ku di qonaxa dawîn de li gorî qonaxa berê bilind dibe. Wî diyar kir ku petrol li gorî berê nema zêde di hilberîna elektrîkê de tê bikar anîn û tekez kir ku ev sektor niha ji bilî gaza xwezayî û komirê enerjiya nûjen û atomî tercîh dike. Emîn pêşbînî kir ku giringiya petrolê ji bo sektora elektrîkê di qonaxa bê de zêdetir kêm bibe, hevdem ligel zêdebûna geşedanên depokirina elektrîkê û amûrên elektrîkê. Wî got ku Tirkiyê kariye çarçoveyeke qayim a yasayî û siyasî di warê enerjiya nûjen de ava bike û îro di warê veberhênanên ku piştgiriya aborî wernagirin de yek ji welatên pêşeng e li cîhanê. Got jî: Tirkiye di warê çavkaniyên enerjiyê yên nûjen de welatekî zengîn e û hikûmeta Tirkiyê ji bo geşepêdana vê sektorê pêngavên gelek xweş avêtiye, ku ez wê pêşerojeke pir geş li Tirkiyê dibînim. Û di dawiya sala borî de, di rapora Saziya Malî ya Navnetewî ya girêdayî Koma Banka Cîhanê de hat diyarkirin ku Tirkiye dê heta sala 28’an karibe bi qasî 2020 milyar dolar veberhênanê di warê enerjiya nûjen de bikişîne.((Dawiya))
yek deqe
