Kuala Lumpur (UNA) – Intii lagu guda jiray kalfadhiga 48-aad ee Golaha Wasiirada Arrimaha Dibadda ee Dowladaha xubnaha ka ah Ururka Iskaashiga Islaamka (OIC), Malaysia waxay xaqiijisay in arrinta qaxootiga Rohingya ay u baahan tahay feejignaan joogto ah iyo kaalmo beesha caalamka. Wasaaradda arrimaha dibadda Malaysia ayaa bayaan ay soo saartay maanta oo Khamiis ah ku sheegtay in arrintan uu si qoto dheer uga hadlay wasiir ku xigeenka arrimaha dibadda Qamaruddin Jacfar oo hoggaaminayay wafdiga Malaysia ee ka qayb galay shirkii golaha wasiirrada arrimaha dibadda ee 22-kii ilaa 23-kii March ka dhacay caasimadda Pakistan ee Islamabad. Wasaaraddu waxa ay intaa ku dartay in Qamaruddin ay arrintan ku xustay war rasmi ah oo ay soo saartay intii uu socday kulanka guddiga ku meel gaadhka ah ee heer wasiir ee la xisaabtanka xadgudubyada xuquuqul insaanka ee ka dhanka ah Rohingya. Boqolaal kun oo qof oo Rohingya ah ayaa ka qaxay gobolka Rakhine ee dalka Myanmar rabshadihii ka dhacay, waxaana Malaysia ku sugan ilaa 200 oo qaxooti Rohingya ah. War saxaafadeedka ayaa lagu sheegay in ka sokoow ka hadalka muhiimada mowduuca kalfadhiga 48-aad ee golaha wasiirada arimaha dibada Qamar Al-Diin ay ku nuuxnuuxsatay arimaha halganka shacabka falastiin, garab istaaga bini’aadantinimo ee shacabka Afgaanistaan iyo dib u habeynta Ururka Iskaashiga Islaamka. (waan dhameeyay)
hal daqiiqo