Qaza (UNA/WAFA) – Tobanaan muwaadiniin ah ayaa ku shahiiday oo ku dhaawacmay maanta oo Axad ah, taasoo ka dhalatay sii socoshada duullaanka gardarrada ah ee Israa’iil ay ku hayso marinka Qaza maalintii 107aad oo xiriir ah.
Ilo deegaanka ah ayaa sheegay in saddex muwaadin ay ku shahiideen ka dib markii diyaarada ay duqeeyeen gaari ay la socdeen oo marayay suuqa Yarmuuk ee magaalada Gaza.
Ilo caafimaad ayaa sheegay in tiro muwaadiniin ah ay dhimasho iyo dhaawac ku noqdeen ka dib markii diyaaradaha dagaalka ee duulaanka ay la beegsadeen guri ku yaala xaafadda Al-Zaytuun ee bariga magaalada Gaza..
Waxa ay intaa ku dartay in tiro shahiid ah ay ku dhinteen kuwa kalena ay ku dhaawacmeen rasaasta toogashada ah ee ka dhacay deegaanka Al-Katiba ee koonfur-galbeed ee magaalada Gaza.
Diyaaradaha dagaalka ayaa duqeeyay xaafadda Al-Manara ee Khan Yuunis ee koonfurta marinka Qaza, waxaana diyaaradaha dagaalka ay duqeymo ka fuliyeen xerada Al-Shati oo dhanka galbeed kaga beegan magaalada Gaza..
Muwaadin ayaa sidoo kale ku shahiiday qaar kalena waa ay ku dhaawacmeen duqeyn diyaaradeed oo lala beegsaday deegaanka Al-Amaal oo dhanka galbeed ka xiga Khan Yuunis ee koonfurta marinka Gaza, sidoo kale doomo hubeysan ayaa duqeeyay xeebaha magaalooyinka Deyr Al-Balah iyo Khan Yuunis. ee Marinka Gaza..
Goob joogayaal ayaa sheegay in madaafiicda la qabsashada ay socotay saacado badan si ay u duqeeyaan agagaarka isbitaalka Naasir ee Khan Yuunis ee koonfurta marinka Gaza..
Ciidamada qabsaday ayaa sidoo kale wadeen burburinta fagaarayaasha la dego ee bartamaha iyo bariga Khan Yuunis.
Isku soo wada duuboo, tirada shuhadada tan iyo markii ay bilowdeen duullaanka gardarrada ah ee Marinka Gaza toddobaad ee Oktoobar ee la soo dhaafay waxay sare u kacday ilaa 24,927 shahiid iyo 62,388 dhaawac ah, kuwaas oo u badan haween iyo carruur.
(waa dhamaatay)
