Ankara (UNA/Anadolu) – Wasaaradda Arrimaha Dibadda Turkiga ayaa Talaadadii si xooggan u cambaareysay weerar gantaal ah oo ay kooxda Xuutiyiinta ee ay taageerto Iiraan ay ka geysatay Yemen, kaasoo lagu bartilmaameedsaday gobolka koonfureed ee Sacuudi Carabiya.
Wasaaradda ayaa ku tiri bayaan ay soo saartay: “Waxaan si xooggan u cambaareyneynaa weerarkii gantaalka ahaa ee Xuutiyiinta ay ku qaadeen gobolka koonfureed ee Boqortooyada Sacuudi Carabiya.
Waxay intaas ku dartay, "Waxaan dib u xaqiijinaynaa wadajirka buuxa ee aan la leenahay Sacuudi Carabiya marka laga hadlayo weerarkan, kaas oo ku xadgudbaya madax-bannaanideeda iyo midnimadeeda dhuleed, isla markaana khatar weyn ku ah amniga iyo xasilloonida gobolka."
Wasaaraddu waxay sidoo kale ku celisay baaqeeda ah in laga fogaado wax kasta oo horseedi kara kor u kaca gobolka.
(waa dhamaatay)
