Jakarta (UNA) – Mudane, Xoghayaha Guud ee Ururka Iskaashiga Islaamka, ahna Guddoomiyaha Golaha Culumada Islaamka, Sheekh Dr. Maxamed bin Cabdulkariim Al-Ciise, ayaa khudbaddii furitaanka ka jeediyay Shirka Wada-tashiga Diimaha ee Indonesia, kaasoo ay soo qaban qaabisay Wasaaradda Diinta iyo Awqaafta ee dalka Indonesia oo ku taal xarunteeda caasimadda Jakarta. Shirkan ayaa waxaa ka soo qeyb galay Wasiirka Diinta iyo Awqaafta Indonesia Mudane Dr. Nasrudiin Cumar, ku xigeenkiisa, Wasiirkii hore ee Diinta iyo Awqaafta, Madaxa Xarunta Wada-noolaanshaha Diinta, iyadoo ay wehliyaan Culimaa’udiin iyo Xildhibaano tiro badan oo ka kala socday diimaha kala duwan, in ka badan 350 qof oo ka kala socday Madaxda Wasaaradda, Aqoonyahano, Culumaa’udiin, Masuuliyiin kala duwan oo ka kala socday qeybaha kala duwan ee bulshada dalka Indonesia.
Dr. Al-Ciise khudbaddiisa waxa uu ku nuux-nuux saday muhiimadda ay leedahay in la qabto shirarka noocan oo kale ah oo mawduucyadooda dib loo cusbooneysiiyay si looga faa’iidaysto wada noolaanshaha iyo iskaashiga si looga hortago aragtiyaha isku dhaca diimaha iyo saamaynta ay ku leeyihiin bulshooyinka kala duwan gaar ahaan iyo guud ahaan nabadda adduunka, gaar ahaan haddii aynu ognahay in qaar badan oo ka mid ah dagaalladii caddaalad-darrada ahaa ee soo maray taariikhda bani-aadmiga ay asal ahaan ka soo jeedaan diinta, xitaa haddii ay yihiin kuwo aan ka turjumayn xaqiiqada dhabta ah ee aadanaha.
Shirka waxaa ka mid ahaa faragelin ka timid wakiilada diimaha ee Indonesia, kaas oo mid kasta oo iyaga ka mid ah dib u eegis ku sameeyay barashada diintiisa ee la xidhiidha wada noolaanshaha bulshada.
(waa dhamaatay)
