Geneva (UNA/QNA) – Hay’adda Qaramada Midoobay u qaabilsan qaxootiga ee UNHCR ayaa sheegtay in dhibaatada Suudaan ay tahay barakacii ugu weynaa ee adduunka, iyadoo 12 milyan oo qof ay ka barakaceen guryahoodii, waxayna sharraxday in kumannaan qoys ay weli ka qaxayaan El Fasher iyo Darfur.
Jens Laerke oo u hadlay xafiiska Qaramada Midoobay u qaabilsan isku xirka arrimaha bini’aadantinimada ee OCHA ayaa sheegay in malaayiin reer Suudaan ah ay aad ugu baahan yihiin gargaar, isagoo sheegay in dadka rayidka ah iyo shaqaalaha gargaarka lagu dilo si aan dambi lahayn, isla markaana xadgudubyada dhanka galmada ah ay sii kordhayaan.
Wuxuu ku baaqay in la hubiyo in si badbaado leh loo gaaro gargaarka, lana ilaaliyo lana taageero ururada maxaliga ah.
Sean Hughes, oo ah isku duwaha gargaarka degdega ah ee barnaamijka cunada aduunka ee dhibaatada Sudan, ayaa ku tilmaamay xaalada murugada leh ee ka jirta Sudan in ay tahay dhibaatada bini'aadantinimo ee ugu weyn aduunka marka la eego qiyaas kasta, iyadoo ilaa 25 milyan oo qof ama kala bar dadka ay wajahayaan gaajo aad u daran, ku dhawaad shan milyan oo caruur iyo hooyooyin ah ayaa la ildaran nafaqo darro aad u daran.
(waa dhamaatay)
