Baqdaad (UNA) – Xoghayaha Guud ee Ururka Jaamacadda Carabta, Axmed Aboul Gheit, ayaa mar uu ka hadlayay Shir Madaxeedka 34-aad ee Jaamacadda Carabta oo lagu qabtay Baqdaad ku sheegay in Qaranka Carbeed uu xusayo sannad-guuradii 80-aad ee ka soo wareegtay aasaaskii Ururka Jaamacadda Carabta. Waxa uu ku nuuxnuuxsaday in sii socoshada ururkan muddo ka badan sideetan sano ay daliil u tahay xoogga shucuubta Carabta iyo xiriirka ka dhexeeya ee ku salaysan af, dhaqan, iyo taariikh wadaag.
Aboul Gheit ayaa sheegay in jiritaanka dowladda Suudaan uu halis ku jiro, isagoo muujiyay sida uu ugu kalsoon yahay in dadka Suudaan ay dib u dhistaan wixii ku burburay dagaallada. Waxa uu sidoo kale xusay in Liibiya ay weli wajaheyso khatarta kala qeybsanaanta, taas oo halis gelineysa midnimadeeda iyo xasiloonideeda.
Dhanka Suuriya, Aboul Gheit waxa uu sharraxay in ay marayso marxalad adag iyo caqabad weyn oo ku aaddan dhismaha Suuriya cusub, isaga oo carabka ku adkeeyay in Jaamacadda Carabta ay taageerto dadka Suuriya marka ay ka gudbaan xaaladahan adag.
Waxa uu sidoo kale ka hadlay xaaladda Lubnaan, isagoo sheegay in waddanku uu wajahayo caqabad dhab ah oo ku aaddan dib u soo kabashada marka loo eego gardarrada Sahyuuniyadda ee socota, isagoo ku nuuxnuuxsaday taageerada Lubnaan si ay uga hortagto caqabadahaas.
Aboul Gheit waxa uu carabka ku adkeeyay in qadiyada Falastiin ay tahay arin udub dhexaad u ah Carabta,iyaga oo u arka dilka caruurta iyo dadka rayidka ah ee Falastiin in ay tahay wax caadi u ah caalamka marka la eego aamusnaanta beesha caalamka.
Gabagabadii hadalkiisa, Xoghayaha Guud ee Qaramada Midoobay ayaa sheegay inuu aad ugu faraxsan yahay dadaalka ay Masar iyo Qatar ugu jiraan sidii ay heshiis xabad joojin ah uga gaari lahaayeen marinka Qaza.
(waa dhamaatay)
