New York (UNA/SPA) – Xafiiska Qaramada Midoobay u qaabilsan isku xirka arrimaha bini’aadantinimada ayaa ka digay xaaladda bini’aadantinimo ee sii xumaanaysa ee dalka Lubnaan, taas oo muujinaysa in ay gaartay heer ka badan darnaanta dagaalkii 2006-dii iyadoo ay sii kordhayaan colaadaha.
Afhayeenka Qaramada Midoobay, Stephane Dujarric, ayaa shir jaraa'id oo uu ku qabtay New York ku sheegay in waaxda caafimaadka ee Lubnaan ay ka cabanayaan weerarro soo noqnoqday, taas oo kordhinaysa cadaadiska kaabayaasha jilicsan.
Dhanka bini'aadantinimada, hay'adaha Qaramada Midoobay sida UNRWA iyo UNICEF waxay sahay dawo iyo cunto ka qaybiyeen gobollada koonfurta iyo Baalbek.
Isla mar ahaantaana, xarumaha UNIFIL ayaa waxyeelo soo gaartay ka dib howlgallada ciidamada Israel, halka Qaramada Midoobay ay ugu baaqday dhammaan dhinacyada inay ixtiraamaan xurmada xarunteeda oo ay si deg deg ah u joojiyaan rabshadaha, iyadoo ku nuuxnuuxsatay inay ka go'an tahay dadaallada lagu doonayo xabbad joojinta.
(waa dhamaatay)
