Amman (UNA/Petra) – Wasiirrada arrimaha dibadda ee Urdun, Isutagga Imaaraadka Carabta, Indonesia, Pakistan, Turkey, Saudi Arabia, Qatar iyo Masar ayaa Axaddii soo dhaweeyay tillaabooyinka ay qaadeen Xamaas ee ku saabsan soo jeedinta madaxweynaha Maraykanka Donald Trump ee ah in la soo afjaro dagaalka Gaza, la sii daayo dhammaan la haystayaasha, kuwa nool iyo kuwa dhintay, isla markaana si degdeg ah u bilaabaan wada xaajoodyo lagu heshiinayo hababka hirgelinta.
Bayaan ay si wada jir ah u soo saareen wasiirada arimaha dibada ayaa sidoo kale waxa ay ku soo dhaweeyeen baaqii madaxweynaha Mareykanka Trump ee ahaa in Israa’iil ay si deg deg ah u joojiso duqeymaha ay wado oo ay bilowdo fulinta heshiiska is dhaafsiga maxaabiista. Waxay muujiyeen sida ay uga mahadcelinayaan sida ay uga go'an tahay in nabad laga sameeyo gobolka, waxayna carrabka ku adkeeyeen in horumarradani ay ka dhigan yihiin fursad dhab ah oo xabbad-joojin dhammaystiran oo waarta iyo in wax laga qabto xaaladda bini'aadantinimo ee halista ah ee soo food saartay dadweynaha Marinka Gaza.
Waxa ay soo dhaweeyeen ku dhawaaqista Xamaas ee ah in ay doonayso in ay ku wareejiso maamulka Gaza guddi ku meel gaadh ah oo maamulka falastiiniyiin ah oo ka kooban farsamo-yaqaano madax-banaan, waxayna carrabka ku adkeeyeen baahida loo qabo in si degdeg ah loo bilaabo wada xaajoodyo lagu heshiinayo hababka loo fulinayo soo jeedinta iyo wax ka qabashada dhammaan dhinacyada.
Wasiirada arrimaha dibadda ayaa xaqiijiyay in ay si wadajir ah uga go’an tahay taageeridda dadaallada loogu talagalay in lagu fuliyo qodobbada soo jeedinta, ka shaqeynta in si degdeg ah loo soo afjaro dagaalka Gaza, iyo in la gaaro heshiis dhameystiran oo dammaanad qaadaya gaarsiinta aan la carqaladeynin dhammaan gargaarka bini'aadantinimo ee Gaza, ka hortagga barakicinta dadka Falastiiniyiinta, ka fogaanshaha qaadista tallaabo kasta oo khatar ku ah amniga iyo badbaadada rayidka, sii deynta Falastiiniyiinta iyo soo celinta maamulka Falastiin Marinka Gaza, iyo in la gaaro hannaan ammaan oo dammaanad qaadaya amniga dhammaan dhinacyada, taasoo horseedaysa in Israa’iil ay si buuxda uga baxdo oo dib u dhis ku sameyso Gaza, una gogol xaarto in la gaaro nabad xaq ah oo ku saleysan xalka labada dal.
(waa dhamaatay)
