Baku (UNA/AZERTAC) – Mataimakin ministan harkokin wajen kasar Azabaijan Yalchin Rafiyev ya halarci taron na musamman na majalisar ministocin harkokin wajen kungiyar hadin kan kasashen musulmi ta OIC, wanda aka gudanar a hedkwatar babban sakatariyar kungiyar OIC da ke Jeddah na kasar Saudiyya, inda aka tattauna kan ci gaba da cin zarafin da Isra’ila ke yi kan al’ummar Palastinu.
A nasa jawabin mataimakin ministan kasar Azabaijan Rafiyev ya jaddada muhimmancin ayyana tsagaita bude wuta cikin gaggawa tare da tabbatar da kai agajin jin kai zuwa Gaza ba tare da wata tangarda ba.
Har ila yau, ya jaddada cewa, Azarbaijan na goyon bayan kudurin warware rikicin bisa tsarin "kasashe biyu" da kuma bisa dokokin kasa da kasa da kudurorin kwamitin sulhu na MDD.
Ya kuma yi nuni da cewa, Azabaijan za ta ci gaba da bayar da taimakon jin kai ga al'ummar Palasdinu.
(Na gama)
