Brussels (UNA/WAFA) - Dubban mutane a Brussels babban birnin kasar Beljiyam ne suka halarci zanga-zangar a ranar Lahadin da ta gabata don nuna adawa da yadda Isra'ila ke ci gaba da keta yarjejeniyar tsagaita bude wuta tare da kai hare-hare a zirin Gaza, tare da neman a kakabawa Isra'ila takunkumin makamai.
Mahalarta taron sun taru ne a tashar jirgin kasa, inda suka bukaci a dakatar da yarjejeniyar hadin gwiwa tsakanin Tarayyar Turai da Isra'ila nan take. Sun dauki tutar Falasdinawa daga bisani kuma suka nufi dandalin Jean Rey, kusa da cibiyoyin Tarayyar Turai.
Mahalarta taron sun kuma daga tutoci da take dauke da taken "Yiwa fararen hula hari ba kare kai ba ne, a ce a'a kisan kare dangi," da "Tashi don Falasdinu."
(Na gama)
